კისრის ოსტეოხონდროზი

ისევ ოსტეოხონდროზის შესახებ
ხერხემლის პათოლოგიების და კერძოდ კი ოსტეოხონდროზის შესახებ უამრავი სამეცნიერო-პოპულარული მასალა მოიპოვება ინტერნეტ სივრცეში როგორც ქართულ, ისე-უცხოენოვან საიტებზე. ამ დაავადების არამედიკამენტოზური მკურნალობის თავისებურებებზე სასაუბროდ მოვიწვიეთ მანუალ-თერაპევტი, სასწავლო ცენტრ „სერაფიტის“ მასაჟის მიმართულების ხელმძღვანელი ბატონი ჯაბა კოხრეიძე, რომელიც პასუხს გასცემს ჩვენი ფეისბუკგვერდის („კოსმეტოლოგიის და მასაჟის კაბინეტი“) თუ საიტის საშუალებით შემოსულ რამდენიმე კითხვას. აქვე ავღნიშნავთ, რომ ეტაპობრივად განვაახლებთ ხოლმე შეკითხვებზე კომპეტენტური პასუხების გამოქვეყნებას.
გაკვეთილზე
ბატონო ჯაბა, ვარ 36 წლის მამაკაცი, წელიწადზე მეტია, ვიტანჯები კისრის ოსტეოხონდროზით -მივმართე ნევროლოგს, დამინიშნა მედიკამენტური მკურნალობა. პერიოდულად ტკივილი გამივლიდა ხოლმე, მაგრამ წამლების გათავების შემდეგ ისევ მეწყებოდა. რამდენიმე სტანდარტული ვარჯიშიც მირჩია…უარესი დისკომფორტი ვიგრძენი. რუსულ საიტებზე ოსტეოხონდროზის მკურნალობაში აქცენტი მასაჟებზეა გადატანილი, მე კიდე ნევროლოგის ვიზირების გარეშე მასაჟებისგან თავი შევიკავე…ახლა აღარ ვიცი,რა ვქნა…
• ნერვოლოგის და ნერვოპათოლოგის, ვერტებროლოგის ჩართვა ხერხემლის პათოლოგიების დროს აუცილებელია. მითუმეტეს-კისრის ოსტეოხონდროზის დროს, როცა დაავადება რამდენიმე უსიამოვნო სიმპტომებითაა „გამდიდრებული“ (თავის ტკივილი, კისრის და მხრის ტკივილი, ხელების დაბრუჟება, მხედველობის გაუარესება, შუილი ყურებში და ასე შემდეგ). მედიკამენტოზური მკურნალობით ხდება დაავადების ერთგვარი რემისია, ტკივილის შეჩერება და დისკომფორტის მოხსნა, მაგრამ არ ხერხდება იმ მიზეზების მეტწილად აღმოფხვრა, რამაც გამოიწვია დეგენერაციული და დისტროფიული ცვლილებები ხერხემლის სეგმენტებში, ამიტომაც მედიკამენტური თერაპიის ერთი კურსის დასრულებიდან რამდენიმე დღეში კვლავ იწყება პრობლემები, მძიმდება ნერვული ფონი, ფაქტიურად სახეზე გვაქვს დეპრესიულ-ნერვოზული ავადმყოფი…ამიტომ კომპლექსურ მკურნალობას ალტერნატივა არ აქვს. შეუძლებელია წამლებით იმის მიღწევა, რაც მასაჟს, მანუალურ თერაპიას და სამკურნალო ვარჯიშებს ხელეწიფება. უხერხულია იმაზე საუბარი, რომ პროფესიონალი უნდა შეარჩიოთ ამისთვის. აფთიაქში უამრავი მიორელაქსანტი (კუნთების მარელაქსირებელი) იყიდება. მასაჟით და ფიზიოთერაპიით მიღწეულ შედეგს ასეთი წამლები ვერასდროს შეედრება, რომ არაფერი ვთქვათ მათ გვერდით მოვლენებზე. მე თვითონ ნევროპათოლოგებთან საქმიანი და კოლეგიალური თანამშრომლობით ვმკურნალობ ხოლმე პაციენტებს. ყოველთვის არ დგას ამის აუცილებლობა, მაგრამ კისრის ოსტეხონდროზის დროს ზოგჯერ ეს აუცილებელია.
რაც შეეხება დამოუკიდებლად ვარჯიშების შესრულებას: ყოველთვის ვამბობ და ვიმეორებ აქაც-იზომეტრიული ვარჯიშები უნდა შეგირჩიოთ სპეციალისტმა თქვენი დაავადების და ფიზიკური კონდიციების გათვალისწინებით. კისრის თუ სხვა სეგმენტის ოსტეოხონდროზის დროს სწორად შერჩეულ ვარჯიშებს და მათი შესრულების ტექნიკას აქვს გადამწყვეტი მნიშვნელობა. ამასთან დავიმახსოვროთ: ამ ვარჯიშების მიწოდება ხდება დოზირებულად, პერმანენტულად მასაჟების კვალობაზე- მასაჟით უნდა მოხდეს კუნთების მომზადება ვარჯიშებისთვის. მიორელაქსაციის გარეშე ინტენსიურ ვარჯიშებს შეუძლია, გამოიწვიოს უარესი შედეგი. ამიტომ ნებისმიერ შემთხვევაში უნდა მიმართოთ სპეციალისტს. ჩემი გამოცდილებიდან გეუბნებით: ერთი და იგივე სიმპტომატიკის ფონზე ბევრჯერ შემიცვლია ხოლმე პაციენტებისთვის სამკურნალო ვარჯიშების სახეობებიც და მოძრაობათა ამპლიტუდაც.
რამდენად ეფექტური და გარანტირებულია სამკურნალო მასაჟი დისკოზის დროს?
• დისკოზი ფაქტობრივად ოსტეოხონდროზის პროგრესირებული ფორმაა. აქაც ცხადია პრიორიტეტი ენიჭება კომპლექსურ მკურნალობას.მწვავე პერიოდში მასაჟი დაუშვებელია, თუმცა მომდევნო ეტაპზე-აუცილებელი. ვიყენებთ ვაკუუმმასაჟის ფართო შესაძლებლობებს, ციფრულ ფიზიოთერაპიულ ტექნიკას, სპეციალურ მალამოებს (ყველაფერი ეს, ცხადია, ხელმისაწვდომია ჩვენს კაბინეტში). შედეგები დამოკიდებულია პაციენტის მდგომარეობასა და მონდომებაზე, ზუსტად შეასრულოს სამკურნალო ვარჯიშები. ეფექტურია ცხადია. მედიცინაში გარანტიებზე დღეს (და საერთოდ) საუბარი ძნელია. სამკურნალო მასაჟს და ფიზიოთერაპიას ხერხემლის პათოლოგიისას სხვა ალტერნატივა არ გააჩნია, გარდა ოპერირებისა, რომლის დროსაც საერთოდ არავითარი გარანტიები არ არსებობს.
_____________________________________________________________
სასწავლო ცენტრ “სერაფიტის” მასაჟის და კოსმეტოლოგიის კაბინეტები მდებარეობს საბჭოს მოედანთან, მაზნიაშვილის ქ.20-ში. კონსულტაცია უფასოა.ტელ: 296-52-10, 558-21-27-55
______________________________________________________________
წელის ტკივილების გამო სისტემატურად ვიკეთებ მასაჟს. თქვენ ახსენეთ ვაკუუმ-მასაჟი…მე მაქვს ასეთი მასაჟი განაკეთები მინის ტრადიციული ბანკებით, ცეცხლის ალს ავლებდა მასაჟისტი შიგ და იმით მიკეთებდა ზურგზე…მაინტერესებს, არის რამე განსხვავება იმ ბანკებსა და თქვენს მიერ ნახსენებ ვაკუუმის დრეკად ბანკებს შორის? მე ვგულისხმობ და მაინტერესებს შედეგობრივი თვალსაზრისით?
• ვაკუუმმასაჟი ისეთივე ძველია, როგორც -ზოგადად მასაჟი. იგი სათავეს ჩინეთიდან იღებს, სადაც ვაკუუმს ბამბუკის სპეციალური მოწყობილობით წარმოქმნიდნენ ხოლმე. ცეცხლის ალით ვაკუუმის წარმოშობას და მინის ქილებით მკურნალობას ჩვენი წინაპრებიც მისდევდნენ გაციების, სხვადასხვა ვირუსული დაავადებების დროს. ხერხემლის პათოლოგიების მკურნალობაში ვაკუუმის ჩართვა გაცილებით გვიან მოხდა, როცა შესაძლებელი გახდა ისეთი ვაკუუმ-მასაჟორების გამოგონება, რომლითაც ხდებოდა არა მარტო ფიქსაცია ბიოლოგიურად აქტიურ წერტილებზე („ცეცხლიანი“ მინის ქილებით კი მხოლოდ ფიქსაციაა შესაძლებელი), არამედ -მოძრაობაც, მასაჟის ჩატარება ძირითად ენერგეტიკულ არხებზე. თანამედროვე მასაჟის და ფიზიოთერაპიის კაბინეტებში უკვე ნაკლებად იყენებნ კუსტარულ ვაკუუმის მინის ქილებს სპირტიანი აალებით და ასე შემდეგ. ჩვენს ცენტრში გვაქვს აკუპუნზონის კომბაინი 20 მინის ქილით, სადაც ვაკუუმი წარმოიშობა სპეციალური პისტოლეტის მეოხებით (ამ აპარატით ხდება სქოლიოზის დროს შეკუმშული, ე.წ. „დაცემული“ კუნთების რელაქსაცია და „ამოყვანა“- მოშვება, ტროფიკული პროცესების და სისხლის მიმოქცევის გაუმჯობესება); გვაქვს აგრეთვე სხვადასხვა უახლოესი დრეკადი სილიკონის ქილები, რომლითაც კეთდება როგორც ფიქსაცია, აგრეთვე-ჩვეულებრი მასაჟი, რაც აღიარებულია მთელს მსოფლიოში ოსტეოხონდროზის სამკურნალო ერთ-ერთ საუკეთესო გზად. ზემოთქმულიდან გამომდინარე, ცხადია არსებობს განსხვავება ამ ქილებს შორის მკურნალობის შედეგების გათვალისწინებით.
ბატონო ჯაბა, რას გვეტყვით ქვანტური ლაზერული თერაპიის შესახებ და მის როლზე ოსტეოხონდროზის მკურნალობის საქმეში?

• ქვანტური ლაზერული თერაპია წარმოადგენს დაბალი, ჯანმრთელობისთვის სრულიად უსაფრთხო სიხშირის ლაზერით მკურნალობის ნაირსახეობას, რომელიც აპრობირებულია მსოფლიოს წამყვან კლინიკებში. ქვანტური ლაზერით იკურნება 200-მდე დაავადება. დიდია მისი როლი ხერხემლის პათოლოგიების მკურნალობაში: ოსტეოხონდროზი, ართრიტი, ართროზი, დისკოზი, რადიკულიტი, თიაქარი… ლაზერული დასხივება კონკრეტულ უბნებზე იწვევს ბიოსტიმულაციას, რაც ხდება საფუძველი დისკის და ხრტილების ზოგადად, სახსრების რეგენერაციისა და აღდგენითი პროცესებისთვის. ჩემს კაბინეტში გვაქვს ქვანტური ლაზერული თერაპიის მსოფლიოში საუკეთესო აპარატი ”რიქტა-1”, რომელსაც წარმატებით ვიყენებთ დაავადების კომპლექსურ მკურნალობაში (სამკურნალო მასაჟებთან, ელექტროსტიმულაციასთან, აკუპუნქტურასთან, მალამოებთან და ელექტროფორეზთან ერთად) …ლაზერით და,ზოგადად-ფიზიოთერაპიულ,მკურნალობას უყვარს პერმანენტულობა (განმეორება კურსობრივად) -ამიტომ პაციენტი გაგებით უნდა მოეკიდოს იმ რეალობას, რომ ხერხემლის პრობლემათა კორექცია ვერ მოხდება მომენტალურად და ვერც-დროის უმოკლეს ვადაში. თუმცა 2-3 კურსის განმეორების შემდეგ მართლაც საუკეთესო შედეგები დგება…ვიმეორებ, ყველაფერი ეს მხოლოდ კომპლექსური მკურნალობით მიიღწევა.
rikta
kila kombaini

Posted in კისრის ტკივილი, ოსტეოქონდროზი, რადიკულიტი და იშიაზი, სკოლიოზი | Tagged | 32 Comments

ფიზიოთერაპიული აპარატურა, მასაჟორები

პროფესიონალ მასაჟისტთა და ფიზიოთერაპევტთა საყურადღებოდ!
გთავაზობთ უნიკალურ მასაჟორებს თქვენი პროფესიული სრულყოფისა და საქმიანობის მეტი ეფექტურობისთვის. დღეს წარმოუდგენელია სამკურნალო თუ წონის საკორექციო მასაჟების ეფექტურობა ამ მასაჟორების გარეშე.
1.kila kombaini
ვაკუუმასაჟის უნიკალური პისტოლეტიანი ქილების კომბაინი (შედგება 20 ქილისგან, უნიკალურია ზურგის ყველა მნიშვნელოვან ბიოაქტიურ წერტილებზე ფიქსაციისთვის. 10-15 წუთიანო ფიქსაცია პარავერტიბრალურ კუნთებზე საკმარისია, მოხსნას დაძაბულობა, მიღწეულ იქნეს მიორელაქსაცია,მოხსნას ტკივილები).
2.cup10
სილიკონის ვაკუუმ-ქილები: წყვილი 65 ლარიდან (გვაქვს 2 მოდელი).რევოლუციური მოვლენა ვაკუუმ და ზოგადად-მასაჟის ისტორიაში. შესაძლებლია ფიქსაციაც და მოძრაობაც. ასპროცენტიანი შედეგებით გამოირჩევა ოსტეოხონდროზის და ანტიცელულიტური პროგრამების დროს.
3.cup11
რაბერის ქილების კომპლექტი (შედგება 4 სხვადასხვა ზომის სპეციალური რეზინის დრეკადი ქილისგან.ჩვენებები: ხერხემლის პრობლემები, მალთაშორის დაავადებები, ანტიცელულიტური პროგრამა, მიონრელაქსაციის დეფიციტი). ფასი 200 ლარი.
4.kila pistolakis
პრობლემურ ზონაზე დასაფიქსირებელი პისტოლეტიანი ვაკუუმ-ქილების მინი კომბაინი. ფასი მხოლოდ 68 ლარი. შედგება 6 ქილისგან!!!!
5.ბრაშინგ-20 ლარი
ბრაშინ-მასაჟორი, უნიკალური შემოთავაზება-მხოლოდ 25 ლარად: გამოიყენება ანტიცელულიტური და წონის საკორექციო მასაჟების დროს. შეუდარებელია ფორების გასახსნელად თაფლის ან სხვა ანტიცელულიტური სკრაბების დაფენის წინ!
6.cifruli masaJori
უნიკალური შემოთავაზება: ციფრული მასაჟორი 8 ფუნქციით: აკუპუნქტურა,მასაჟი, იმუნოთერაპია, წნევის კონტროლი, ელექტროფორეზი…გამოიყენება ინსულტის შემდგომი სარეაბილიოტაციო, ანტიცერემბრალური მასაჟების დროს, შეუდარებელია აგრეთვე კისრის და წელის ოსტეოხონდროზის დროს, ყველა იმ პროგრამისას, როცა საჭიროა ფიზიოთერაპიული პროცედურები. ეს აპარატურა თქვენი პროფესიონალიზმის ატრიბუტია! ფასი მხოლოდ 100 ლარი!
_____________________________________________________________
ქაღალდის რულონი
7.საუკეთესო ხარისხის ქაღალდის გადასაფარებელი (რულონი) მასაჟის და ზოგადად სამედიცინო მაგიდებისთვის. სიგრძე -50 მეტრი. ფასი მხოლოდ 12 ლარი. ქაღალდის რულონი
8.მასაჟის მაგიდა — 600 ლარი (აშშ წარმოების)
masaJis magida3

masaJis magida1

masaJis magida2
9.ელექტროფორეზის აპარატი ”ელფორ-პროფესიონალი”, მედიკამენტური ელექტროფორეზის და გალვანიზაციისთვის, 4 ელექტროდიანი. ფასი მხოლოდ 1200 ლარი. ამ ფასში შედის აპარატის ინსტრუქტაჟი და სწავლება.

elfor

inversia

inversia2inversia2
10.პროფესიული მოხმარების ინვერსიულ მაგიდა, რომელიც საუკეთესოა ხერხემლის დეკომპრესიისთვის შემდეგი დაავადებებისას: სქოლიოზი, ოსტეოხონდროზი, თიაქარი, აგრეთვე: სისხლის ცუდი მიმოქცევა, იმუნიტეტის დაქვეითება…კონსტრუქციის სიმარტივე ადვილად მოსახმარებელს ხდის მაგიდას საოჯახო პირობებშიც. ფასი მხოლოდ 950 ლარი.
11.კისრის სეგმენტის გასაჭიმი მოწყობილობა-დეკომპრესატორი: გამოიყენება კისრის ოსტეოხონდროზის, თიაქარის და სხვადასხვა დაავადებების დროს.განსხვავებით სხვა ძვირადღირებული პროცედურებისგან-ამ მოწყობილობით თავად აკონტროლებთ გაჭიმვის დოზას და ამდენად იგი სავსებით უსაფრთხოა. ფასი მხოლოდ 95 ლარი
kisris gasachimi1

_____________________________________________________________
სასწავლო ცენტრ “სერაფიტის” მასაჟის სრული კურსის მსმენელებისთვის გათვალისწინებულია სერიოზული ფასდაკლება.
_____________________________________________________________
მასაჟის ინტენსიური სწავლების ლიდერი სასწავლო ცენტრი “სერაფიტი” სისტემატურად მართავს ტრენინგებს ინდივიდუალური პროგრამით შემდეგი მიმართულებებით:
- სამკურნალო მასაჟები ოსტეოხონდროზის და სქოლიოზის დროს
- ანტიცელულიტური ექსკლუზიური სკრაბები (რეცეპტები, დამზადება) და წონის საკორექციო მასაჯები.
- სპა მასაჟები (თაფლის, შოკოლადის, შვედური, ტაილანდური)
ყველა ეს მიმართულება კი შედის მასაჟის სწავლების სრულ კურსში, რომლის სწავლება ასევე ინდივიდუალური პროგრამით, უწყვეტი პრაქტიკული მეცადინეობების ფონზე მიმდინარეობს.
მისამართი: თბილისი, მაზნიაშვილის 20, საბჭოს მოედანთან, სასწავლო ცენტრი “სერაფიტი”
.ტელეფონები: 296-52-10, 558-21-27-55, 555-37-48-42

Posted in განცხადებები, გასახდომი მასაჟები, მასაჟის სახელმძღვანელო, ოსტეოქონდროზი | 2 Comments

მასაჟის კურსის პრაქტიკული ნაწილი

სასწავლო ცენტრი “სერაფიტი” და მასაჟის სასწავლო კაბინეტის ხელმძღვანელი ჯაბა კოხრეიძე აგრძელებს “მასაჟის სახელმძღვანელოს” პრაქტიკული ნაწილის გამოქვეყნებას (სასწავლო ცენტრის ტელეფონებია: 296-52-10, 558-21-27-55)

______________________________________________________________
მასაჟის სარეკომენდაციო თანმიმდევრობა კისრის ოსტეოხონდროზის დროს

იწყება ზურგის გამაერთიანებელი მასაჟით:
1.ხელსმა: სწორხაზოვანი და თანამიმდევრული სამივე მიმართულებაზე
2.სწორხაზოვანი განბლოკვა A B C D სამივე მიმართულებაზე, 4-2-2
3.სპირალური განბლოკვა A B C D სამივე მიმართულებაზე 4-2-2
4.წერტილოვანი პრეს-მასაჟი სამივე მიმართულებაზე B C D 2-1-1
5.წერტილოვანი (წრიული) მასაჟი B პირველ მიმართულებაზე 2
6.ზედდაწოლითი სწორხაზოვანი განბლოკვა A C D სამივე მიმართულებაზე 4-4-4, + იგივე-წრიულად ბეჭის ძვლის ირგვლივ ორივე მხარეს: 4-4
7.დარტმითი ილეთები, ხერხვა, ვიბრაცია, ხელსმა -მთელს ზურგზე
8.ვაკუუმმასაჟი მთელ ზურგზე და მაღალდოზირებულად- დეკოლტეს ზონაში
9.გულმკერდის სეგმენტის სრული სეგმენტური მასაჟი
10.კისრის სეგმენტის სრული სეგმენტური მასაჟი
11.თმის საფარის (თავის) შტრიხული მასაჟი.
12.ხელების მასაჟი
პაციენტი წევს ზურგზე:
13.ხელების მასაჟი
14.სახის მასაჟი + ყურები
15.თმის საფარის (თავის) მასაჟი
16.მანუალური თერაპია: კისრის გაჭიმვა (პაციენტის მდგომარეობის და ოსტ-ის სტადიის გათვალისწინებით), ილეთები: „ნიკაპი გულზე“, „ყური მხარზე“, „ყური მასაჟისტის ხელისგულზე“ .
17.გულ-მკერდის მასაჟი
18.ფეხების ზედაპირული მასაჟი : ხელსმა, დარტყმები,, ვიბრაციები
19.პერიოდულად, სამკურნალო კურსის განმავლობაში 3-4 ჯერ რეკომენდირებულია ტერფის სრული მასაჟი.

მასაჟის სარეკომენდაციო თანმიმდევრობა წელის ოსტეოხონდროზის დროს
იწყება ზურგის გამაერთიანებელი მასაჟით:
1 ხელსმა: სწორხაზოვანი და თანამიმდევრული სამივე მიმართულებაზე
2 სწორხაზოვანი განბლოკვა A B C D სამივე მიმართულებაზე, 4-2-2
3 სპირალური განბლოკვა A B C D სამივე მიმართულებაზე 4-2-2
4 წერტილოვანი პრეს-მასაჟი სამივე მიმართულებაზე B C D 2-1-1
5 წერტილოვანი (წრიული) მასაჟი B პირველ მიმართულებაზე 2
6 ზედდაწოლითი სწორხაზოვანი განბლოკვა A C D სამივე მიმართულებაზე 4-4-4, + იგივე-წრიულად ბეჭის ძვლის ირგვლივ ორივე მხარეს: 4-4
7 დარტმითი ილეთები, ხერხვა, ვიბრაცია, ხელსმა -მთელს ზურგზე
8 ვაკუუმასაჯი მთელს ზურგზე და მაღალდოზირებულად-წელის სეგმენტში
9 წელის და გავის სეგმენტის სრული სეგმენტური მასაჟი.
10 ქვედა კიდურების და ტერფების სრული სეგმენტური მასაჟები
11 ხერხემლის გაჭიმვა: მხარ-იდაყვით, „A ვერტიკალით“, „D ანტაგონისტური„ განბლოკვებით, ფეხებსა და ხელებში ჩაჭიდებით.
12 დარტყმები, ვიბრაციები, რხევები, ხელსმა
პაციენტი წევს ზურგზე:
13. მუცლის სეგმენტის სრული სეგმენტური მასაჟი
14 ხელების ზედაპირული მასაჟი
15 ქვედა კიდურების სრული მასაჟი ტერფებთან ერთად.
16 დაჭიმვები, რხევები, დარტყმები, ვიბრაცია, ხელსმა

გავითვალისწინოთ: ზოგჯერ პაციენტი დაავადებულია კომბინირებული ოსტეოხონდროზით: ანუ მას ერთდროულად აწუხებს რამდენიმე სახეობის ოსტეოხონდროზი.ასეთ დროს სამკურნალო კურსი ნაწილდება ისე, რომ პერმანენტულად დამუშავდეს ყველა სეგმენტი, დატვირთვა, ილეთები, სამასაჟე ზონები გადავანაწილოთ სამკურნალო კურსის ყველა სეანსზე პროპორციულად.

დაუშვებელია სამკურნალო ვარჯიშების დაწყება პირველივე მასაჟიდან. პაციენტის ხერხემალი და ზურგის კუნთები მასაჟით უნდა მოვამზადოთ სამკურნალო იზომეტრიული ვარჯიშებისთვის, რომელთა მიწოდებაც პაციენტზე ხდება- დოზირებულად!!!!

დაუშვებელია ინტენსიური მასაჟი უშუალოდ პრობლემურ ზონაზე: მაგალითად კისერზე ან „მზის წნულზე“(L4-L5) . ინტენსიბობა ამ ზონებში მხოლოდ რამდენიმე მასაჯის შემდეგაა შესაძლებლი ან -დაავადების რემისიის პერიოდში. ხელსმა-ყოველთვის დასაშვებია!

ოსტეოხონდროზის დროს ეფექტურია სწორი ვაკუუმთერაპია: როგორც ქილების ფიქსაციით, ასევე -ვაკუუმმასაჟით.

ოსტეოხონდროზის მკურნალობისას შესაძლებელია, გამოვიყენოთ თაფლის მასაჟიც.
გაკვეთლიზე

Posted in მასაჟის სახელმძღვანელო | 9 Comments

ბავშვის მასაჟი (ძირითადი ილეთები)

ხელსმა
ბავშვის მასაჟის ძირითადი ილეთია. სრულდება ტრადიციულად ისე, რომ კანი ან მიმდებარე ქსოვილი არ ეკვრება სამასაჟე იარაღს.დაუშვებელია მსუბუქი ინტენსივობაც კი- ამ ილეთს აქვს დიდი სამკურნალო ეფექტი. ხელსმით მზადდება ბავშვი შედარებით ინტენსიური მოძრაობისთვის. ხელსმა ააქტიურებს სისხლის მიმოქცევას, ამშვიდებს ნერვულ სისტემას, ხსნის დაძაბულობას კუნთებში, ხსნის ტკივილებს.

მოძრაობა სრულდება თითების ბალიშებით. სამი თვის ასაკამდე მხოლოდ ხელსმა კეთდება! ტემპი დაახლოებით ასეთია: 24-26 ხელსმა -ერთ წუთში. კიდურების დაბოლოებებისკენ ხელსმა კეთდება შედარებით ენერგიულად, „სპონტანური“ აცილებებით.
ხელსმა ხელებზე
ბავშვი წევს ზურგზე. მასაჟისტი დგას ფეხებთან. ბავშვის მარცხენა ხელს წამოსწევენ მარჯვენათი, მარცხენა ხელით კი კეთდება ხელსმა როგორც -დიდებში, ოღონდ „სპონტანებნით“: მოძრაობა მტევნიდან მხრებისკენ როგორც ხელის შიდა, ისე-გარე მხარეს. იგივე მეორდება მარჯვენა მხარეს. ხელსმა ხელბზე შეიძლება გამვახორციელოთ მოხვევითი ილეთითაც: ამ დროს B ხელის შიდა მხარესაა, ხოლო A4- გარე მხარეს.

ფეხების ხელსმა
ბავშვი წევს ზურგზე.
ბავშვის მარჯვენა ფეხს მარცხენას ლადონზე ვათავსებთ. მარჯვენა ხელით კი ვასრულებთ ხელსმას მთლიანად ფეხზე, შედარებით ინტენსიურად-მუხლის და თეძოს არეში. უშუალოდ მუხლი არ მასაჟდება. შემოხვევითი ხელსმის დროს в თავსდება ფეხის გარე მხარეს, д-ქვედა მხარეს.
მუცლის ხელსმა
ბავშვი წევს ზურგზე
მასაჟი იწყება წრიული ხელსმითი მოძრაობიებით საათის ისრის მიმართულებით. სამასაჯე იარაღს წარმოადგენს ჩვენი რამდენიმე თითის ბალიშები, ან გადმობრუნებული A4. წრიული მოძრაობის გარდა ვაკეთებთ პერპენდიკულარულ ხელსმებსაც პარალელურ რეჟიმში კიდეებისკენ(ხერხემლისკენ) და გავისკენ.
მკერდის ხელსმა
ბავშვი წევს მკერდზე
მკერდის ხელსმას ვასრულებთ ჩვენი თითების ბალიშებით: წრიულად, მარჯვენა ხელით-საათის ისრის მიმართულებით, მარცხენათი- საპირისპიროდ – წრიული მოძრაობა კეთდება ძუძუს ირგვლივ.
ზურგის ხელსმა


ბავშვი წევს მუცელზე, ფეხებით-მასაჟისტისკენ
ხელმა მიმდინარეობს პირველ მიმართულებაზე, ხერხემლიდან 1-2 სმ-ის დაშორებით. აქ შეგვიძლია, გამოვიყენოთ კომბინირებული ილეთი: გადმობრუნებული A4 (ხელსმა) + სავარცხლისებრი A4(ზიგზაგური მსუბუქი ვიბრაცია). თუ ბავშვს ჯერ კიდევ არ შეუძლია თავის და ხერხემლის დაჭერა, მაშინ ჩვენ თვითონ ვიკავებთ მას ცალი ხელით, ხოლო მეორეთი ვაკეთებთ მასაჟს. 3 თვის ასაკიდან ბავშვს აუცილებლად უნდა შეეძლოს თავის და ხერხემლის დაჭერა დამოუკიდებლად.
განბლოკვები
ეს არის მასაჟის უფრო ღრმა და ინტენსიური ილეთი, თუმცა ბავშვთან მიმართებაში -მკაცრად დოზირებული. ილეტი ხელს უწყობს მუსკულატურის განბლოკვა-მოშვებას და ნერვულის სისტემის დამშვიდებას. ილეთი სრულდება ერთი, ორი ან სამი თითით- წრიული მოძრაობებით (სპირალური, წრიული) პერიფერიებიდან ცენტრისკენ (მაგალითად- მტევნიდან მხრებისკენ). ენერგილი მოქმედება მასაჯისტის მხრიდან აუცილებელია, ტუმცა ეს ძირითადად ე.წ. „სპონტანებით“ გამოიხატება.

ერთ წლამდე ასაკის ჩვილებში განბლოკვა სრულდება ძირითადად თითის ბალიშებით სწორხაზოვნად ან სპირალურად. კეთდება აგრეთვე მოჭერვითი განბლოკვები „სპონტანებით“. განბლოკვის დროს თითები კი არ სრიალებს კაზე, არამედ-არხევს მას სხვადასხვა ინტენსივობით, ძრავს ადგილიდან. ,ოძრაობა სრულდება ჩქარა, ცოტაოდენი ზეწოლით. ქვედა კიდურებზე წრიული განბლოკვე კეთდება ორი ხელითაც: ერთით ვფიქსირდებით მუხლთან, მეორეთი ვასრულებთ წრიულ განბლოკვებს „A ვერტიკალის“ ზედა მხარით (ცერასა და საჩვენებელს შუა მოქცეული არე). „სპირალური A“ სრულდება ბარძაყის გარე მხარეზე დუნდულების ჩათვლით.

კიდურის შიდა და ქვედა მხარის განბლოკვა ძირითადად სრულდება в -ის ბალიშით, ძირითადად წრიული და სპირალური მოძრაობებით. ზურგის, მკერდის, მუცლის გავის განბლოკვა ხდება ძირითადად в, აგრეთვე A სპირალურებით(2-4 თითით). ვიმეორებ: ინტენსივობა განისაზღვრება ბავშვის ასაკის და კონდიციის მიხედვით.
წერტლოვანი მასაჟი
წერტილოვან მასაჟს ვასრულებტ სამი თითით: ცერა+საჩვენებელი და შუათითი. ხდება მეტი ინტენსიურობით ზემოქმედება სამასაჟე არეზე.
ასეთ წერტილოვან განბლოკვებს მიმართავენ ზურგის გრძელ კუნთებზე, დუნდულებზე. ამ და სხვა დიდ კუნთებზე იგივე კომბინაციით ან მხოლოდ ორი თითით სრულდება შტრიხული განბლოკვებიც.
ვიბრაცია
ილეთი სრულდება ერთი, ორი ან ყველა თითით. 6 წლამდე ასაკის ბავშვებში ვიბრაციას თითქმის არ მიმართავენ ცენტრალური ნერვული სისტემის ჩამოუყალიბლებობის გამო.
წერტილოვანი ზეწოლითი ვიბრაცია
ძირითადად სრულდება მკერდზე: д-ს ვდებთ მკერდის ქვედა ნაწილზე, ვაკეთებთ ორივე ხელით მსუბუქ ზეწოლას, რიტმულ რხევას, ბავშვის გამხნევებით.
______________________________________________
სასწავლო ცენტრი “სერაფიტი” მასაჟის სრულ კურსთან ერთად გთავაზობთ ბავშვის მასაჟის შესწავლას კომფორტულ და პროფესიულ გარემოში. აქვე შეგასწავლით სამკურნალო ვარჯიშების სისტემას ბავშვებსა და მოზარდებში გავრცელებული სხვადასხვა დაავადებების პრევენციისა თუ მკურნალობისთვის. შეისწავლეთ საქმე, რომელიც რეალურად შეცვლის თქვენს მომავალს. სრული კურსის ღირებულებაა 1500 ლარი. სწავლება მიმდინარეობს ინდივიდუალური პროგრამით. მისამართი: მაზნიაშვილის 20, საბჭოს მოედანთან (მარჯანიშვილის მეტროდან 5 წუთში), ტელ: 2965210, 558-21-27-55.

Posted in მასაჟის კურსები | Tagged , | 8 Comments

სამკურნალო ვარჯიშები (სტრუქტურა, სისტემა და მიდგომები)

არსებობს მთელი რიგი დაავადებებისა და მიზნები, რომელთა მკურნალობა და მიღწევა შეუძლებელია მასაჟთან ერთად სამკურნალო ვარჯიშების კომპლექსური გამოყენების გარეშე. ჯერ კიდევ ძველი ბერძნები საუბრობდნენ მასაჟის და ტანვარჯიშის ურთიერთშერწყმის თაობაზე. აღმოსავლეთშიც ამ ტანდემს- „მასაჟი+ ვარჯიში“ უდიდესი მნიშვნელობა ენიჭება. თანამედროვე ტრადიციული მედიცინა ღიად მიუთითებს სამკურნალო ფიზიკური ვარჯიშის აუცილებლობაზე. ყოველივე ეს მასაჟისტის, როგორც პროფესიონალის (მანუალისტ-რეაბილოტოლოგის) , წინაშე აყენებს მთელ რიგ ამოცანებს. კერძოდ, იგი უნდა ფლობდეს სამკურნალო ვარჯიშების სისტემას, მდიდარ არსენალს, რათა შეძლოს მიზანმიმართულად მათი ჩართვა მკურნალობის საქმეში.
სამკურნალო ვარჯიშების გამოყენება მასაჟის საერთო მიზნებისთვის დღეს სხვადასხვა ტერმინებითაა ცნობილი: „სამკურნალო ფიტნესი“, „პილატესი“(ე.წ. ამერიკული იოგა), „სამედიცინო იოგა“, „კინისოთერაპია“(იგივე -კინეზოლოგია), უბრალოდ-სამკურნალო ფიზკულტურა და ასე შემდეგ…
ვარჯიშებს, რომელიც კონკრეტული დაავადების და სეგმენტის სამკურნალოდაა მიმართული, იზომეტრიული ვარჯიში ეწოდება. ჩვეულებრივი სპორტული ან გამაჯანსაღებელი ვარჯიშებისგან იგი სწორედ სიზუსტით და მიზანმიმართულებით გამოირჩევა. სპეციალისტის ვალია, აბსოლუტური სიზუსტით შეურჩიოს პაციენტს ესა თუ ის ვარჯიში ან ამ ვარჯიშების სისტემა.
არსებობს ოთხი ძირითადი პრინციპი, რაც დაკავშირებული იზომეტრიული ვარჯიშების შერჩევასთან და მის სწორ გამოყენებასთან:
1. სწორი სუნთქვა. უმეტესობა იზომეტრიული ვარჯიშებისა ეფუძნება ღრმა სუნთქვას და კუნთების ტონუსურ მდგომარეობისა და სუნთქვის შესაბამისობას. ადამიანი იმაზე ნაკლებ ჟანგბადს მოიხმარს, ვიდრე აითვისებს და სჭირდება ჩვეულებრივ რეჟიმში. ჟანგბადი ორგანიზმის მთავარი მაცოცხლებელი ენერგიაა. მისი მაკურნებელი ეფექტი დიდია. ჰემოგლობინს მიერთებული ჟანგბადი ვარჯიშის შესრულებისას დიდი რაოდენობით მიემართება სწორედ ხელოვნურად დაჭიმული კუნთებისკენ (სეგმენტისკენ) და მისი მაკურნებელი ეფექტიც ამ უბანზე განსაკუთრებულია.
2. ზუსტი მოძრაობის მნიშვნელობა. ვარჯიშის დროს სპეციალისტმა უნდა განუსაზღვროს პაციენტს სწორ სუნთქვასთან შესაბამისი ზუსტი მოძრაობის და ამპლიტუდის პარამეტრები. ამასთან ავადმყოფის მდგომარეობის შესაბამისად ამპლიტუდის სიდიდეს კი არ აქვს გადამწყვეტი მნიშვნელობა, არამედ- სწორ მოძრაობას, რომელიც შესაბამისობაშია სწორ სუნთქვასთან, სუნთქვის შეკავებასთან.
3. ვარჯიშის მოქმედების კონკრეტული ზონა. იზომეტრიული ვარჯიში გამიზნულია კონკრეტული სეგმენტის კუნთების ან კუნთოვანი კორსეტის გასაძლიერებლად. მაგალითად, არსებობს ვარჯიშები გულ-მკერდის სეგმენტისთვის, წელის სეგმენტისთვის, თეძოებისთვის და ა.შ. შედარებისთვის: ცურვის დროს ორგანიზმის თითმის ყველა კუნთი მუშაობს, იზომეტრიული ვარჯიშისას კი-ეფექტი მიმართულია კონკრეტულ ზონაზე.
4. ვარჯიშის კონკრეტული წვლილი მიზნის მისაღწევად. მკაფიოდაა დაფიქსირებული მიზანი (დაავადების მკურნალობა, ან-წონის კორექცია…) და მისი მიღწევისთვის ამ ვარჯიშის როლი და მნიშვნელობა. მასაჟისტი (ინსტრუქტორი) უნდა ფლობდეს ზუსტ ინფორმაციას, თუ რატომ არის ესა თუ ის ვარჯიში აუცილებელი და საჭირო კონკრეტული მიზნის განსახორცილებლად.
______________________
ამ ოთხი პრინციპის შესახებ უნდა გავაგებინოთ პაციენტსაც, რომელმაც მიღებული ინფორმაციის საფუძველზე აღმოცენებული ნდობის და რწმენის მეოხებით მაქსიმალურად კომფორტულად უნდა შესარულოს იზომეტრიული ვარჯიშები.

განვიხილოთ იზომეტრიული ვარჯიშების ერთგვარი სისტემური, „იდეოლოგიური“ მიდგომები სხვადასხვა დაავადების დროს (ეს დაგვეხმარება, სხვადასხვა საინფორმაციო წყაროთი გამდიდრებული ჩვენი ცოდნა მივუსადაგოთ კონკრეტულ დაავადებებს და შევარჩიოთ ინდივიდუალური პროგრამა კონკრეტული პაციენტის მიმართ ).
ხერხემლის დაავადებათა დიდი ნაწილი გამოწვეულია მალთაშორის დისკის დაზიანებით, რასაც სხვადასხვა ფაქტორი განაპირობებს (გენეტიკური, ტრავმული, ნეიროგენული…). ძირითადი მიზეზი კი მაინც არის დეგენერაციული პროცესები, რაც გამოწვეულია კონკრეტულ სეგმენტში კუნთოვანი კორსეტის მოშლით აქედან გამომდინარე ყველა შედეგით (აღარ ხდება მალთაშორის დისკების სრულფასოვანი კვება). მასაჟის უმთავრესი მიზანია სწორედ კუნთოვანი კორსეტის აღდგენა და ამ საქმეში უდიდესია სამკურნალო იზომეტრიული ვარჯიშების როლი. უნდა შეირჩეს ისეთი მოძრაობები, რომელთა გამოყენებისას ხდება ხერხემლის ზომიერი, დოზირებული გაჭიმვა (პაციენტის მდგომარეობის ზუსტი შეფასების მიხედვით), მიმდებარე კუნთების დაჭიმვა და მოშვება, ტონუსის განსაზღვრა, კუნთოვანი კორსეტის გაძლიერება…
კისრის ოსტეოხონდროზის დროს საქმე გვაქვს ხერხემლის ყველაზე პატარა მალებთან (თუ არ ჩავთვლით კუდუსუნს). ამიტომ მასაჟიც და ვარჯიშებიც განსაკუთრებული სიფრთხილით უნდა შეირჩეს. ამ დროს უპირატესობა ენიჭება სტატიკურ (არა კინისურ, არამოძრაობით) ვარჯიშებს, რომელთა მიზანია ფიქსირება კისრის მიმდებარე კუნთების დაჭიმვისა რამდენიმე წამით და შემდეგ მათი რელაქსაცია-მოშვება ფიქსირებიდან მომენტალური გამოსვლით.
სქოლიოზის დროს უნდა მოვერიდოთ ხერხემლის მადრეკადირებელ მოძრაობებს ნებისმიერი მიმართულებით. ძალიან ფრთხილად უნდა მივუდგეთ ხერხემლის დაჭიმვის პროცედურებს. აქცენტი მთლიანად კუნთოვანი კორსეტის გაძლიერებაზე უნდა გადავიტანოთ. არაინტენსიური მასაჟით ვამზადებთ ორგანიზმს, შეასრულოს საკმაოდ ინტენსიური ვარჯიშები ზუსტად განსაზღვრული ტრაექტორიით და სწორი სუნთქვით. უნდა შეირჩეს ვარჯიშები, რომელთა დროს ხერხემალი ძირითადად ინარჩუნებს სწორმედეგობას (გამრუდების გათვალისწინებით), სტატიკურობას(ფაქტიურად დაფიქსირებულ მდგომარეობას), ხოლო სახსრები და თავი მოძრაობს მისი სეგმენტების კუნთოვანი სისტემის გასაძლიერებლად. ამოსავალი დებულებაა: მხოლოდ სათანადოდ გაძლიერებულ კუნთოვან კორსეტს შეუძლია შეაჩეროს სქოლიოზის (და სხვა დაავადებების, მაგალითად, ოსტეოხონდროზის) პროგრესირება. მეტიც, პაციენტის ასაკის და დაავადების ხარისხის მიხედვით შესაძლებელია ამგვარად გაძლიერებულმა კუნთოვანმა ბუნებრივმა კორსეტმა დაიწყოს ხერხემლის გასწორების ხანგრძლივი პროცესი.
წონის საკორექციო სისტემაში გადამწყვეტი მნიშვნელობა თანაბრად ენიჭებათ ცხოვრების ჯანსაღ წესს, ანტიცელულიტურ თუ საკორექციო მასაჟებს და სპეციალურ ვარჯიშებს. ეს უკანასკნელი საკმაოდ მდიდარი არსენალით გამოირჩევა. შეიძლება გამოვიყენოთ იოგას და მისი ამერიკული მოდიფიკაციის -„პილატესის“ სისტემები. ინტერნეტით თუ სხვა საინფორმაციო წყაროებით უამრავი მასალა მოიძებნება ანტიცელულიტური თუ წონის საკორექციო ვარჯიშების თაობაზე. აქაც უნდა გამოვიმუშავოთ ჩვენი ინტუიცია,რათა არ დავიბნეთ ათასგვარი რეკლამების ფონზე. ამოსავალი წერტილი უნდა იყოს, ზუსტად განვსაზღვროთ პრობლემური სეგმენტები და, იზომეტრიული ვარჯიშების პრინციპებიდან გამომდინარე, შევარჩიოთ ზუსტი მოძრაობები „პაციენტისთვის“.
პ.ს.
ჩვენს საიტზეც დევს რამდენიმე იზომეტრიული ვარჯიშის ფოტო თუ ვიდეომასალა. ეს არ ნიშნავს, რომ პაციენტმა დამოუკიდებლად დაიწყოს ასეთი ვარჯიშების შესრულება ან მავანმა მასაჟისტმა თუ „ინსტრუქტორმა“ დაიწყოს ამ ვარჯიშების „დამოუკიდებლად შესწავლა“ მისი მომავლაში პაციენტების მიმართ გამოყენების მიზნით.
ყურადღება: დამოუკიდებლად ამ ვარჯიშების შესრულება ექიმის ან კვალიფიციური სპეციალისტის მიერ დანიშვნის, ახსნის, მეთოდიკის გაცნობის გარეშე- არ შეიძლება (მაგალითად, ყველამ იცის, რომ ცურვა ძალიან კარგია სქოლიოზის დროს…მაგრამ როგორ ცურვა? რა სტილის? ეს-აუცილებლად სპეციალისტმა უნდა გირჩიოთ თქვენი ხერხემლის გამრუდების სტადიის მიხედვით. ან კიდე- იპოდრომი ძალიან კარგია სქოლიოზის და ოსტეოხონდროზის დროს…მაგრამ ცხენზე ჯდომის რომელი სტილი უნდა აირჩიოთ? ესეც სპეციალისტების პრეროგატივაა და ენდეთ მხოლოდ კვალიფიციურ ადამიანებს)…

ჯაბა კოხრეიძე . სასწავლო ცენტრ „სერაფიტის“ მასაჟის
სკოლის ხელმძღვანელი, მანუალ-თერაპევტი.
(სასწავლო ცენტრის მისამართია: მაზნიაშვილის ქ, # 20, საბჭოს მოედანთან,ტ:2965210. 558-2127-55).

Posted in გასახდომი მასაჟები, კისრის ტკივილი, მასაჟის კურსები, მასაჟის სახელმძღვანელო, ოსტეოქონდროზი, სპეციალური ვარჯიშები მასაჟისტის მეთვალყურეობით, ცელულიტი და მასთან ბრძოლა | Tagged , , , , | 19 Comments

სპა მასაჟები (ტრენინგის პროგრამა)

სასწავლო ცენტრი “სერაფიტი” მოქმედ მასაჟისტებს, ფიტნესის სპეციალისტებს და ყველა მსურველს სთავაზობს ინდივიდუალურ ტრენინგებს სასწავლო პროგრამით: “სპა მასაჟები”. საკონტაქტო ტელეფონებია: 558-21-27-55, 296-52-10.
ტრენინგის პროგრამა:
1. ზოგადი შეხედულებები „სპა მასაჟების“ შესახებ, სტრუქტურა, თეორია. სპა მასაჟების გავლენა ადამიანის ორგანიზმზე. ჩვენებები და უკუჩვენებები. მასაჟის ჰიგიენური საფუძვლები და ძირითადი მოთხოვნები. აღმოსავლური მასაჟები. აკუპუნქტურა. რეფლექსოლოგია. რეიკი. სამკურნალო ფიტნესი.პილატესი. იოგა.
2. ძირითადი მიმართულებები ზურგზე. მთავარი სამასაჟე იარაღი-ხელის მტევანი და მისი 4 კომბინირება: A, B, C, D. მასაჟის ძირითადი ილეთები: ხელსმა, განბლოკვა (სწორხაზოვანი, სპირალისებრი, წერტილოვანი, სეგმენტური), ორმაგი წრიული თელვა, დარტყმები და ვიბრაცია.
3. მასაჟის ინტენსივობის და დოზირების დაგეგმვა. ფსიქოთერაპიული აქცენტები. ბიოლოგიურად აქტიური წერტილები და ენერგეტიკული არხები. ადამიანის ნერვული სისტემა. სისიხლის მომიოქცევის სისტემა. სახის მასაჟი. ტაილანდური მასაჟის საბაზო კურსი.
4. ზურგის სეგმენტური მასაჟები. სამკურნალო ვარჯიშები ხერხემლის პრობლემების დროს.
5. აპარატული მასაჟი. მასაჟორების დახასიათება: ვერტიკალ-ვიბრატორები, კიკლო-ვიბრატორები, ტოპიკური განბლოკვის მასაჟორები, აკურეცეპტორების პულსატორები- მათი გამოყენების კონკრეტული ჩვენებები. სილიკონის ვაკუუმმასაჟის ქილები.
6. ვაკუუმმასაჟის ცნება. ჩვენებები და უკუჩვენებები. ვაკუუმმასაჟორების კლასიფიკაცია: რეზინის დრეკადი ქილები, მინის ვაკუუმქილები სპეციალური ამოსატუმბი რეზინით, „ცეცხლის“ ვაკუუმქილები, პისტოლეტის ვაკუუმქილები, ელექტროვაკუუმ -მასაჟორები. ვაკუუმ მასაჟი ზურგზე.
7. ვაკუუმ მასაჟი კიდეურებზე. სახის ვაკუუმმასაჟი. ძირითადი მიმართულებები და სტრუქტურა.
8. გასახდომი მასაჟის ცნება. საპოხი საშუალებები გასახდომი მასაჟების დროს: ზეთები, სკრაბები, თაფლი, შოკოლადი. თაფლის მასაჟი
9. შოკოლადის მასაჟი.ანტიცელულიტური სკრაბების რეცეპტები და დამზადება.
10. შვედური მასაჟი.
11. ტრიგერული წერტილები და მისი ადგილი ადამიანის აკუპუნქტურაში.
12. ტესტ-მასაჟები. სერტიფიცირება/
_______________________________________________
ტრენინგის დასრულებისთანავე გაიცემა სერტიფიკატი.



Posted in გასახდომი მასაჟები, მასაჟის კურსები | Tagged , , , | Leave a comment

წელის ტკივილის მკურნალობის სისტემა!

წელის ტკივილი ბევრი ფაქტორით არის განპირობებული, მაგრამ უმეტეს შემთხვევაში საქმე გვაქვს ოსტეოხონდროზთან…ამ სახელის ეშინიათ ხოლმე ადამიანებს, მაგრამ მალთაშორის დისკის დაზიანება (სწორედ ამითაა განპირობებული მეტწილად წელის-ხერხემლის ქრონიკული ტკივილები) ოსტეოხონდროზს ან მის “მონათესავე” დაავადებებს (თიაქარი. დისკოზი, რადიკულიტი) წარმოადგენს. თავისთავად ოსტეოხონდროზი განაჩენი არაა  მას დროზე უნდა მიხედვა. ფარმაკოთერაპიით (წამლებით) ქრება ტკივილი (მეტნაკლებად), უმჯობესდება სიტუაცია, მაგრამ განუკურნებელი რჩება მიზეზი, რამაც გამოიწვია პრობლემა: მოშლილი კუნთოვანი კორსეტი, მალთაშორის დისკთა კვების დარღვეული სისტემა -ყოველივე ეს კი გაუმჯობესდება მხოლოდ სამკურნალო მასაჟით!!! ამ მხრივ საოცარ შედეგებს იძლევა საერთო მასაჟში ჩართული ვაკუუმ მასაჟი და სპეციალური იზომეტრიული ვარჯიშები…დაიმახსოვრეთ: თუ წელის ტკივილი უკვე რამდენიმეჯერ გაგიმეორდათ და მას ქრონიკული ხასიათი აქვს,  ერთჯერადი ფარმაკომკურნალობით მხოლოდ დროებით ეფექტს მიაღწევთ! გაიარეთ სრული და კომლექსური მკურნალობის კურსი!!! იგი შეიცავს 10-15 მასაჟს, რომლის სეანსში შედის ფიზიოთერაპია, ვაკუუმ მასაჟი, მანუალური თერაპია და სამკურნალო ვარჯიშები….პროფილაქტიკის მიზნით გაკეთებული სრული მასაჟები (თვეში 1-2 ჯერ)  კი დიდიხნით აგაცილებთ წელის და ზოგადად- ხერხემლის პრობლემებს!!! ჩვენი საკონტაქტო ტელეფონებია: 296-52-10, 558-21-27-55, ჯაბა


___________________________________________________________

Posted in ოსტეოქონდროზი | Tagged , , | 4 Comments